مجموعه كبيييره من الاعضاء ماهم عارفين طريقه او فكره عمل التيربو
حبيــــــــــــــــــــــــــــت اساعدهم
لانه في يوم من الايام كنت لازم اعرف كيف يشتغل التيربو
المهم ... موضوع اليــــــــــــــــــــــــــوم
التيربو ...
التيربو يستخدم بكثره في السيارات الاوربيه
دائما نحصل سيات ليون ولا ميني كوبر اس والفولفو والاشياء دي عليها تيربو
لكن السيارات اليابانيه الي عليها تيربو دايما تكون من السيارات الجااااامده
ولا ما يحطوه اساسا ... غير الاوربييين الي كنهم يحطون التيربو عالفاضي (((بعض السيارات مو كلهم)))
مثل الميني كوووبر S
التيربو استخد اول مرره في سيارات فولفو
وكان هدفه انه يعطي اكبر قوه ممكنه باقل التكاليف
وطريقه عمله تعتمد على الهوا بشكل اسااااسي
وانتشر التيربو وصاروا يستخدموه بكثره في السيارات الاوربيه
اما السيارات اليابانيه اذا ابيستخدموه يستخدموه صحححح
مثل االايفولوشن وال سوبارو sti
وغيرهم من السيارات الجااامده
والحين كثييير نشوف شاحنات وسطحات مرسيدس وهونداي
اغلبها تعمل بالتيربو ...
لكن محركاتها ديييزل
وتيربو الديزل ما ينفع لمحركات البنزين
لحد يروح ياخذ تيربو الشاحنه الي موقفه بالشاارع
ترا ما بتنفع لسياراتنا
مما يتكون التيربو ..
يتكون الشاحن التوربيني
من قطعتين متلاصقتين فيهم مراوح ...
القطعه الاولى
. قطعة الكمبريسر compressor و وظيفته سحب الهواء من الخارج إلى داخل المكينة و عادة ما تكون من الكروم و الألمنيوم
والقطعه الثانيه
. قطعة التوربين Turbine و وظيفتها استقبال الهواء الخارج من المكينة الى بقية نظام العادم بالسيارة Exhaust system و هي سبيكة تكون مصنعة من الحديد و الألمنيوم و كثير ما يصاف اليها السيراميك
(((لاحظوا انه المروحتين ماسكين في بعض ... يعني لو دارت المروحه الاولى راح تدور الثانيه معاها ..)))
هذه صوره لنوع من انواع التيربو... ماركه قارييت..
الكمبريسر عاليسار
والتوربين عاليمين ..
ودايما تلقو لونه غااامق عكس الكومبريسر الي يكون نيكل بعض الاحيان
لان التوربين يسخن بدرجه حراره عاليه..
شوفو الصوره ...
اكيد فيه بعضكم ماراح يفهم لان الصوره مش واضحه ...
التيربو بيعمل عن طريق .. (((خلوا بالكم مع الصوره ...)))
اولا:::- دخول الهواء الخارج من المكينه عن طريق الهدرز الي القطعه الاولى المسميه بالتوربين
ثانيا:::-دوران المروحه الي هي رقم 3 الي بالقطعه الاولى بفعل الهواء وخروج الهواء من الفتحه رقم 2
ثالثا:::- بسبب دوران المروحه الاولى رقم 3 راح تدور المروحه الي بالقطعه الثانيه رقم 4 الي هي الكمبريسر
رابعا:::-مروحه الكمبريسر رقم 4 لما تدور تقوم بشفط الهواء عن طريق الفتحه رقم 5
واخيرا:::-الهواء المشفوط ينضغط ويرجع للمكينه ثاني عن طريق الفتحه رقم 6 ... لكن عشان يبرد لازم يعدي عالانتر كووولر
----------رقم 7 هو الويست قيت ... وهو يتحكم في نسبه الهواء بالتيربو ويتحكم بالبوست
كل مازاد البوست زاد الهوا وزادت الاحصنه ... وزاد الخطر لانفجار المكينه ...
اكيد تتسائلون من وين يرجع ثاني للمكينه ؟؟؟
بيرجع عن طريق فتحه الفلتر ... بدل ما كان الفلتر يسحب هوا براحته ...
صار التيربو يدخل له هوا غصب عنه وبكميه كبيره ... يعني اوكسجيين اكثر واحترااق اقوى
واحصنه اكثثثر وسرعه اكبر ......
((يتركب التيربو ... بعد الهدرز على طووول))
هذا هو الانتر كوووولر ...((المبرد))
هو المربع الفضي ... الهوا المشفوط من التيربو يروح عالانتر كولر عشان يبرد قبل ما يوصل للمكينه
والهوا البارد احسن من الحار داخل المكينه ...
هذه صوره مبسطه وسهله لطريقه عمل التيربو ...
هذه حركه الهواء داخل كبوت السياره ...
اخيرا البلو اف فالف ...
(((الي لونه فضي)))
هو السر في الصوت الي يطلع عند التغيير في الجير ...
الصوت الطرب اكييييد عرفتوه مثل الصفيره
فيه منه اشكال كثيره
عمله : تفريغ الضغط الزائد عن المكينه
وهذه صوره تبين مكانه بالظبط ...
اعتقد انه بعد ما فهمتوا طريقته بتقولون انه سهل ... لكن تركيبه ...
لو واحد ما بيعرف له راح يجيب العيد بالمكينه من اول دعستين((يعني بتخبط)) ..
لانه يحتاج دراااايه كاااامله باوصاف المكينه بالظبط ...
غير كذا ... المواسير الي بيمشي فيها الهوا ... لها دور في كفائه عمل التيربو
لانه لو المواسير طويله عن حدها او ما تناسب حجم التيربو راح تسبب لك شي اسمه lag
مثل الـ error بالكومبيروتر ههههه...
وفيه جهاز اسمه بووست كونترولر ...
هذا بالمبسط كنه جهاز يتحكم في قوة التيربو وانت جالس في السياره بدون ما توقف على جنب وتطلع العده وتروح تنقص البوست
من عند الـwastegate ....
وتنحسب قوة التيربو .. بشي اسمه ... psi
مثل بعض السيارات لما يركبلها تيربو على مكينه ستوك ...
يركبوه على ضغط 6 psi او 5 ... بــــــــــــــــــس
لكن الهباله والغباء تخلي اصحاب السياره نفسهم يرفعوا البوست لحد 10 او اكثر
هذا السبب الرئيسي الــــييي سبب انفجار مكاين نااااس كثيــــــــــــــــر
عشان ترفع البوست اولا لازم تفتح مجال اكبر للهوا داخل المكينه عن طريق
خرط الغرف ... تركيب بساتم forged ضغطها يناسب الـ psiالي بدك توصله
واذرعه البساتم تكون اقصر عشان تزيد السعه واشياااء كثييير ه... ..
وفيه سيارات مشالله قويه من وكالتها ويركبلها تيربو على ضغط عالي وهي ستوك ..
ما نجيب اسامي عشان لحد يتحمس ههههههههههههههههههه
وفيه نقطه ثانيه ...
التيربو تايمر ... لحد يلخبط بينه وبين البوست كونترول
التيبرو تايمر له دووور كبير في حمايه التيربو والمكينه ...
لانه لو عندك مكينه عليها تيربو ....
لازم لما توقف السياره ... تخليها شغاله دقيقه عالاقل عشان يبرد التيربو
هذا لو ماعندك تيربو تايمر ...
لكن لما تركبه تحدد فيه مثلا 2.0 يعني دقيقتين
لما توقف السياره وتاخذ المفتاح وتطلع منها ... السياره تفضل شغاله لمده دقيقتين لحالها
عشان تبرررد التيربو وبعدها تطفي لحالها عااااادي
فهمتوا القصه ... كنه فيها جن (0_0)
لكن السالفه كلها توماتيك .. من التيربو تايمر
اتمنى يكون عجبكم الموضوع .. واستفدتوا
وتكونوا استفدوا منه ... عشان مشاريعكم المستقبليه ...
لتفجير السيارات هههههههههههههههههههه
اتمنى انه لو احد شاف مني غلط او معلومه طلعت فلسفه زايده او نسيت حاجه
لا يتردد في المشاركه عشان كلنا نفييييد ونستفييييد ....
طريقه عمل التيربو...بالصور 
..
...
...
العرض العادي
